بـــحب النـــــور

ـــــــــــــــــــــــــ

بحب النور وصوت عصفور يناجي في السما ربه

واحب الخير ولو للغير وبسأل ربنا قربه

واحب اللقمه من فاسي واحب اللمه بين ناسي

ومهما كبرت مش ناسي ندا قلبي واحساسي

بيرسملي طريق مقدور بحب النور

بحب الحب يجمعنا

وحلم جميل يرجعنا

لصدق الكلمه والمعنى

نداوي بيها اوجاعنا

ونرسمها حروف من نور

بحب النور وصوت عصفور

رسمت الفجر بعنيا

وبعزف الصبح اغنية

تغنيها الطيور ليا

وانا والشمس والميه

نردد ويا صوت عصفور

بحب النور